ബെംഗളൂരു : സ്ത്രീ സുരക്ഷ ലക്ഷ്യമാക്കി കഴിഞ്ഞ മാസം ബെംഗളൂരു സിറ്റി പോലീസ് ഏതാനും ചില മൊബൈൽ ആപ്പുകൾ പുറത്തിറക്കിയിരുന്നു. അതിലൊന്നാണ് “നോ യുവർ പോലീസ് സ്റ്റേഷൻ ” എന്നത്. അടിയന്തിര ഘട്ടത്തിൽ പോലീസ് സഹായം തേടാൻ കഴിയുന്ന ഈ ആപ്പ് ഉപയോഗിച്ച് തന്നെ ഉപദ്രവിച്ച ആളെ യുവതി കുടുക്കിയതാണ് ഏറ്റവും പുതിയ വാർത്ത.
ബസിൽ യാത്ര ചെയ്യുകയായിരുന്ന യുവതി തന്നെ ഉപദ്രവിച്ച ആൾക്കെ തിരെ പരാതി നൽകുകയായിരുന്നു, ഇതേ തുടർന്ന് വൈറ്റ് ഫീൽഡ് ഐടി കമ്പനിയിൽ ജോലി ചെയ്യുന്ന മധുസൂദൻ റാവുവിനെ, ബെല്ലന്തൂർ പോലീസ് ബസ് നിർത്തി പിടിച്ചിറക്കി അറസ്റ്റ് ചെയ്തു.
കഴിഞ്ഞ ബുധനാഴ്ച രാത്രിയിൽ ഔട്ടർ റിംഗ്റോഡിലൂടെ ബിഎംടിസി ബസിൽ സഞ്ചരിക്കുകയായിരുന്നു യുവതി. സമീപത്തു നിന്നും തന്നെ ഉപദ്രവിച്ച മധുസൂദനനെതിരെ യുവതി ആപ്പ് ഉപയോഗിച്ച് പരാതി നൽകി, ഇബ്ലൂരിന് സമീപമുണ്ടായിരുന്ന പോലീസ് സംഘം ബസ് തടഞ്ഞ് യുവാവിനെ കസ്റ്റഡിയിലെടുത്തു.
കോടതിയിൽ ഹാജരാക്കിയ യുവാവിനെ 14 ദിവസത്തേക്ക് റിമാന്റ് ചെയ്തു. സിൽക്ക് ബോർഡിൽ നിന്ന് ബസിൽ കയറിയ യുവതിയെ പിൻസീറ്റിൽ ഇരുന്ന യുവാവ് ഉപദ്രവിക്കുകയായിരുന്നു.
സമീപത്ത് ഉള്ള പോലീസ് സ്റ്റേഷൻ മനസ്സിലാക്കാനും, പുതിയതായി നഗരത്തിൽ വരുന്നവർക്ക് തങ്ങൾ ഏത് പോലീസ് സ്റ്റേഷൻ പരിധിയിലാണ് എന്ന് മനസ്സിലാക്കാൻ മാത്രമല്ല, പോലീസ് സ്റ്റേഷനിലേക്ക് ഉള്ള വഴി ഗൂഗിൾ മാപ്പിലൂടെ പറഞ്ഞു തരാനും, പരാതി നൽകിയ ആളെ ട്രാക്ക് ചെയ്യാനും ഈ ആപ്പിന് കഴിയും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
